நன்றி தட்ஸ்டமில்.காம்
தீபாவளியன்று பெரும் நாச வேலைக்கு தீவிரவாதிகள் திட்டம்: ஐ.பி. எச்சரிக்கை
திங்கள்கிழமை, செப்டம்பர் 17, 2007
டெல்லி:
தீபாவளி திருநாளன்று இந்துக் கோவில்களைக் தகர்த்து பெரும் நாசத்தை ஏற்படுத்த தீவிரவாதிகள் திட்டமிட்டிருப்பதாக அனைத்து மாநில அரசுகளையும் மத்திய உளவுப் பிரிவு எச்சரித்துள்ளது.
இந்தியாவின் முக்கிய நாட்கள், விசேங்கள், திருவிழாக்கள் உள்ளிட்டவையின்போது பெரும் நாச வேலைகளுக்கு தீவிரவாதிகள் திட்டமிடுகின்றனர். இதுகுறித்து உளவுப் பிரிவு அவ்வப்போது எச்சரித்து மாநில அரசுகளை உஷார்படுத்தி வருகிறது.
சமீப காலமாக தீவிரவாதத் தாக்குதல்கள் அதிகரித்து வரும் நிலையில் தற்போது தீபாவளித் திருநாளன்று இந்துக் கோவில்களைத் தகர்த்து பெரும் நாசத்தை ஏற்படுத்த தீவிரவாதிகள் திட்டமிட்டிருப்பதாக உளவுப் பிரிவுக்குத் தகவல் கிடைத்துள்ளது.
இந்தியாவின் முக்கிய மாநிலங்களில் உள்ள பிரபலமான இந்துக் கோவில்களைத் தகர்க்க பாகிஸ்தான் ஆதரவு தீவிரவாதிகள் திட்டமிட்டிருப்பதாக தகவல் கிடைத்துள்ளது.
மகாராஷ்டிர மாநிலத்தில் உள்ள புகழ் பெற்ற ஷீரடி சாய்பாபா கோவில், நாசிக்கில் உள்ள திரிகும்பேஸ்வரர் ஆலயம் உள்ளிட்ட பல முக்கிய கோவில்களை தீவிரவாதிகள் திட்டமிட்டிருப்பதாக கூறப்படுகிறது.
இதையடுத்து மகாராஷ்டிர மாநில அரசை மத்திய உளவுப் பிரிவு எச்சரித்து, உஷார் நிலையில் இருக்குமாறு அறிவுறுத்தியுள்ளது. இதைத் தொடர்ந்து இந்த கோவில்களுக்கு பாதுகாப்பு அதிகரிக்கப்பட்டுள்ளது. பக்தர்கள் தீவிரமாக சோதிக்கப்படுகின்றனர்.
இதேபோல, நாட்டின் இதர மாநிலங்களில் உள்ள முக்கிய கோவில்களுக்கும் பாதுகாப்பு பலப்படுத்தப்பட்டுள்ளது.
No comments:
Post a Comment