இயற்கை - unicellular

முதலில் இயற்கையின் வினோதங்கள் என்று ஒன்றும் இல்லை என்பதிலிருந்து ஆரம்பிப்போம்.

நாம் வினோதம் என்று நினைப்பது வினோதமில்லை என்பதாகவும், எது வினோதமில்லை என்று நினைக்கிறோமோ அது வினோதம் என்றும் பார்க்கலாம் என்பதையும் வைத்துக்கொள்வோம்.

முதலாவது பரிணாமத்தில் பாலுறவு மூலம் சந்ததி உருவாக்கம் என்பது மிகவும் காலம் தாமதமாக உருவான ஒரு விஷயம்.

ஆரம்பகால உயிரினங்களில் பாலுறவு இல்லை.

ஏனெனில் அவை எல்லாமே ஒற்றை செல் உயிரினங்கள்.

இந்த பூமியில் உயிரினங்கள் சுமார் 4 பில்லியன் வருடங்களுக்கு முன்னர் தோன்றின. முதலில் தோன்றிய உயிரினங்கள் நீங்கள் எதிர்பார்ப்பது போலவே, ஒற்றை செல் உயிரினங்கள்தாம். அடுத்த 3 பில்லியன் வருடங்கள் இந்த பூமியில் ஒற்றை செல் உயிரினங்கள்தாம் இருந்தன. பலசெல் உயிரினங்கள் (multicellular ) கடந்த 1 பில்லியன் வருடங்களுக்கு முன்னர் ஒற்றை செல் உயிரினங்களில் நடந்த மரபணு மாற்றங்களால் (mutations) தோன்றின.

ஒற்றைசெல் உயிரினங்கள் சற்று பெரிதானதும் பிரிந்து இரண்டு உயிரினங்களாக ஆகின்றன. ஆகவே, ஆண் பாக்டீரியா பெண் பாக்டீரியா என்று ஒன்றும் கிடையாது. எல்லாம் பாக்டீரியாதான்.

இன்னமும் ஒற்றை செல் உயிரினங்கள் பல்கி பெருவது இந்த முறையிலேயே நடக்கிறது.

பாக்டீரியா, ஆர்க்கியா, யூகாரியோட்ஸ் ஆகிய மூன்று பெரும் பிரிவுகளாக ஒற்றை செல் உயிரினங்கள் பிரிக்கப்பட்டுள்ளன.

உலகத்தில் மிக அதிக எண்ணிக்கையில் உள்ள உயிரினங்கள் ஒற்றை செல் உயிரினங்கள் தாம். அவற்றின் எண்ணிக்கையை ஒப்பிடும்போது பல செல் உயிரினங்கள் மிகவும் எண்ணிக்கையில் குறைவானவை. இந்த ஒற்றை செல் உயிரினங்கள் இல்லாத இடங்களே பூமியில் இல்லை என்று சொல்லிவிடலாம். ஆர்க்டிக் பிரதேசங்களிலிருந்து, வெப்ப நீரூற்றுகளிலிருந்து, பாலைவனங்களிலிருந்து, ஆழ்கடலிலிருந்து, மலையுச்சிகளிலிருந்து, இவை இல்லாத இடங்களே இல்லை எனச் சொல்லலாம்.

பல செல் உயிரினங்களின் உடல்களிலும் இந்த ஒற்றை செல் உயிரினங்கள் வாழ்கின்றன. பல சமயங்களில் இந்த பல செல் உயிரினங்களுக்கு நல்லது செய்து அதிலிருந்து சற்று உணவை எடுத்துகொள்ளும் சிம்பயாட்டிக் உறவை கொண்டிருக்கின்றன. பல சமயங்களில் பல செல் உயிரினங்களுக்கு தொந்தரவு கொடுத்து அதனை அழித்து அதன் மீது தன்னை பெருகிக்கொள்ளும் உறவையும் கொண்டிருக்கின்றன. இப்படி பல செல் உயிரினங்களுக்கு தொந்தரவு கொடுக்கும் ஒற்றை செல் உயிரினங்களை பாதோஜன் (pathogens) என்று அழைக்கிறார்கள். மனிதர்களுக்கு வரும் சளி, எய்ட்ஸ், தொழுநோய் ஆகியவை இப்படிப்பட்ட ஒற்றை செல் உயிரினங்களால் வருகின்றன. ஒற்றை செல் உயிரினங்கள் ஒரு பல செல் உயிரினத்திலிருந்து இன்னொரு பல செல் உயிரினத்துக்கு பல்வேறு முறைகளில் செல்லலாம். தொடுவதாலோ, தும்முவதாலோ, வெறும் காற்றின் மூலமோ பரவலாம்.

பல ஒற்றை செல் உயிரினங்களை மனிதர்கள் பல காலமாக உபயோகப்படுத்தி வந்துள்ளார்கள்.

பாலிலிருந்து தயிரை உருவாக்குவது ஒற்றை செல் பாக்டீரியா லாக்டோபாஸில்லஸ் என்னும் ஒரு பாக்டீரியா.

யீஸ்ட் என்னும் ஒரு பாக்டீரியா நாம் ரொட்டி தயாரிக்க மாவை புளிக்க வைக்க உபயோகப்படுத்துகிறோம்.

மனிதர்களின் வயிற்றிலும் குடலிலும் உணவை உடைத்து நாம் ஜீரணிக்க பல வகை ஒற்றை செல் உயிரினங்களை கொண்டிருக்கிறோம். நம் கண் இமைகளில் மட்டுமே வாழும் ஒரு வகை ஒற்றை செல் உயிரினம் இருக்கிறது. (இது எல்லோர் கண்களிலும் இருக்கிறது!)

http://en.wikipedia.org/wiki/Unicellular

இந்த பாக்டீரியாக்கள் ஏதேனும் புத்திசாலித்தனம் என்று சொல்லக்கூடிய செயல்பாடுகளை காட்டுகின்றனவா?

ஆமாம். அவைகள் புத்திசாலித்தனம் என்று கூறக்கூடிய சில செயல்பாடுகளை காட்டுகின்றன.

http://en.wikipedia.org/wiki/Microbial_intelligence

இவற்றை மற்றொரு பதிவில் எழுத முயற்சிக்கிறேன்.